琴日超夜先番, 今日補番打~~

琴日同Richard, 力so, 老陳去太古城溜冰, 我地溜5點半開始個場,
but我地4點幾去到, 見未夠鐘就去玩具反斗城睇野~~~
之後去左美食廣場食野, 老陳突然玩野, 話飲芹菜汁=.=
點知佢飲左一淡, 面都青埋, 我試左一淡, 飲到想嘔咁滯
冇幾耐 wai就join埋我地, 5個齊齊去溜冰lu~~~

我第一次溜冰, 落到冰場真係淆淆地, 扶住"木闌"杆行,
好似bb仔咁, 玩左一陣, 開始ok, 唔洗扶"木闌"杆, 可以自己活動
玩玩下, 我一時貪快, 失左平衡, 成個人撻左起地, pat pat好痛~~~

玩到8點幾, 力so話要走先, 而我地4個繼續玩.......
我地由5點半溜到10點, 個個溜到成個人散哂,
老陳仲整傷埋隻手~~~~
溜完冰, 超肚餓, 於是食埋麥記先返歸~~

留到屋企, 已經凌晨1點, 沖涼訓覺lu~~

 <----傳說中令人聞風喪膽ge芹菜汁

  溜冰鞋一對 --------->

<-------溜冰場入場證

因為星期一要返工, 所以今日去Fixup剪頭髮

今次我又無指定師傅, 個師傅叫King, 佢話我留長好睇d,
so 剪完d頭髮都好似好長=.=''

俾左$78就走人, 臨走佢仲俾左張卡片我, 叫我第時搵番佢, haha~~

仲有四日, 要面臨人生第一個工作天......

考oral ge大日子到la~~~~

個試4:15開始, 我預早20分鐘到達考場,
個學校係洪水橋附近(唔係好記得叫咩名.....)

4點鐘正式入課室, 個個座定定聽阿sir叫考生編號
突然聽到自己ge考生編號, 呆左一呆
心諗: 搞錯~~chair 都未坐暖, 第一批去去考咁 "好彩" =.=

收到份卷, 鬆一口氣, 好彩考之前睇過下kenneth(遵理其中一名導師) ge筆記, 問題對我黎講唔算太難~~~

整體黎講都尚算滿意, role play 只係miss左一個answer,
group discussion四個人講ge說話都算平均~~

Yeah~~~正式考完會考la~~~~~~~~

聽日係考oral ge大日子, 過埋聽日就完結成個會考生涯~~

加油!!加油!!